എന്റെ മൂന്ന് മാസം പ്രായമായ കുട്ടി മടിയിലിരുന്ന് മൂത്രമൊഴിച്ചു. എനിക്ക് വുളൂഅ് ഉണ്ടായിരുന്നു. ഞാൻ എന്താണ് ചെയ്യേണ്ടത്? എന്റെ വുളൂഅ് മുറിയുമോ?

ശൈഖ് അസീസ് ഫർഹാൻ അൽ അനസി (ഹഫിള്വഹുല്ലാഹ്) പറയുന്നു:

ഒന്നാമതായി, അല്ലാഹു നിങ്ങൾക്ക് നൽകിയ സന്താനങ്ങളിൽ അവൻ ബറകത്ത് ചൊരിയുകയും സ്വാലിഹീങ്ങളുടെ കൂട്ടത്തിൽ ഉൾപ്പെടുത്തുകയും ചെയ്യട്ടെ.

രണ്ടാമത്തെ കാര്യം, നിങ്ങളുടെ വസ്ത്രത്തിലോ ശരീരത്തിലോ കുട്ടിയുടെ മൂത്രമായി എന്നതുകൊണ്ട് വുളൂഅ് നഷ്ടപ്പെടുന്നില്ല.

നിങ്ങളുടെ വുളൂഅ് അതുപോലെത്തന്നെ ബാക്കിയാണ്.

ശൈഖ് ഇബ്നു ബാസ് (റഹിമഹുല്ലാഹ്) പറയുന്നു:

ഒരാൾ വുദൂഅ് ചെയ്തതിനു ശേഷം അയാളുടെ ശരീരത്തിലോ വസ്ത്രത്തിലോ കുട്ടിയുടെ മൂത്രമോ അല്ലെങ്കിൽ മറ്റേതെങ്കിലും നജസോ ആയാൽ, നജസായ ഭാഗം വൃത്തിയാക്കിയാൽ മതി.

അല്ലാതെ വീണ്ടും വുളൂഅ് ചെയ്യേണ്ട ആവശ്യമില്ല.

പ്രസ്തുത ഫത്‌വയുടെ അറബി കേൾക്കാൻ: Click here